बुधबार नेपाली बजारमा सुन सस्तो, चाँदी महँगो

काठमाडौं । नेपाली बजारमा आज (बुधबार) सुनको मूल्य घटेको छ भने चाँदीको मूल्यमा सानो वृद्धि भएको छ।

नेपाल सुनचाँदी व्यवसायी महासंघका अनुसार मंगलबारको तुलनामा आज सुनको मूल्य तोलामा दुई हजार एक सय रुपैयाँले घटेर प्रतितोला दुई लाख ४६ हजार चार सय रुपैयाँ कायम भएको छ।

मंगलबार सुनको मूल्य प्रतितोला दुई लाख ४४ हजार तीन सय रुपैयाँमा कारोबार भएको थियो।

त्यस्तै, चाँदीको मूल्य भने बढेको छ। मंगलबार प्रतितोला तीन हजार एक सय ७० रुपैयाँमा कारोबार भइरहेको चाँदी आज (बुधबार) तीन हजार एक सय ७५ रुपैयाँमा कारोबार भइरहेको महासंघले जनाएको छ।

सुनको मूल्यमा देखिएको गिरावट अन्तर्राष्ट्रिय बजारमा देखिएको उतार–चढावसँग सम्बन्धित रहेको अनुमान गरिएको छ भने चाँदीमा सानो वृद्धिले बजारमा सन्तुलन कायम गरिरहेको व्यवसायीहरूको भनाइ छ।