नेपाल बैंकको सञ्चालक समितिमा सहसचिव महेश भट्टराईको नियुक्ति

काठमाडौं — नेपाल बैंक लिमिटेडको सञ्चालक समितिमा अर्थ मन्त्रालयका सहसचिव श्री महेश भट्टराई नियुक्त भएका छन्। बैंकले आज सार्वजनिक गरेको सूचनामा भट्टराईले मिति २०८२ असोज २२ गतेका दिन पद तथा गोपनियताको शपथ ग्रहण गरिसकेको जनाएको छ।

नेपाल बैंकका अनुसार, भट्टराईलाई नेपाल सरकार, अर्थ मन्त्रालयको प्रतिनिधित्वका रूपमा बैंकको सञ्चालक समितिमा नियुक्त गरिएको हो। यसअघि सो पदमा अर्थ मन्त्रालयका सञ्चालक श्री थान प्रसाद पञ्ज्यानीले प्रतिनिधित्व गर्दै आएका थिए।

कम्पनी सचिव कृष्ण प्रसाद भण्डारीद्वारा हस्ताक्षरित पत्रमा नेपाल स्टक एक्सचेन्ज (नेप्से) लाई यो नियुक्तिबारे औपचारिक जानकारी गराइएको उल्लेख छ।

नेपाल बैंक लिमिटेडको सञ्चालक समितिमा सरकारका प्रतिनिधि सदस्यहरूको उपस्थिति रहँदै आएको छ, जसले बैंकका नीतिगत र संस्थागत निर्णयमा प्रत्यक्ष सहभागिता जनाउने गर्छन्।