सुनचाँदीको मूल्यमा सामान्य वृद्धि, मंगलबार दुवै धातु महँगियो

काठमाडौं — मंगलबार नेपाली बजारमा सुनचाँदीको मूल्यमा सामान्य वृद्धि देखिएको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ४ सय रुपैयाँले बढेर ३ लाख ९ हजार ९ सय रुपैयाँ पुगेको छ।यसअघि सोमबार सुनको मूल्य प्रतितोला ३ लाख ९ हजार ५ सय रुपैयाँ कायम रहेको थियो। दैनिक मूल्यमा आएको यो वृद्धि अन्तर्राष्ट्रिय बजारको प्रभावसँगै स्थानीय मागका कारण भएको व्यवसायीहरू बताउँछन्।त्यस्तै, १० ग्राम सुनको मूल्य पनि बढेर मंगलबार २ लाख ६५ हजार ६९० रुपैयाँ पुगेको छ। सोमबार भने १० ग्राम सुनको मूल्य २ लाख ६५ हजार ३४५ रुपैयाँ रहेको थियो।चाँदीको मूल्य पनि मंगलबार उकालो लागेको छ। महासंघका अनुसार चाँदी प्रतितोला ७० रुपैयाँले बढेर ५ हजार ३३५ रुपैयाँ पुगेको छ, जुन सोमबार ५ हजार २६५ रुपैयाँ थियो।त्यसैगरी, १० ग्राम चाँदीको मूल्य मंगलबार ४ हजार ५७४ रुपैयाँ पुगेको छ भने सोमबार ४ हजार ५१४ रुपैयाँ कायम रहेको थियो।सुनचाँदीको मूल्यमा आएको यो सामान्य वृद्धि आगामी दिनमा अन्तर्राष्ट्रिय बजारको उतारचढाव अनुसार थप परिवर्तन हुन सक्ने व्यवसायीहरूको भनाइ छ।