सुनको मूल्यमा भारी गिरावट, चाँदी ऐतिहासिक उचाइमा पुग्यो

नेपाली बजारमा शुक्रबार सुनको मूल्यमा ठूलो गिरावट आएको छ भने चाँदीको मूल्यले नयाँ रेकर्ड कायम गरेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ३५ हजार रुपैयाँमा कारोबार भइरहेको छ, जुन बिहीबारको २ लाख ३९ हजार २०० रुपैयाँ भन्दा ४ हजार २०० रुपैयाँले घटेको हो। पछिल्ला दिनहरूमा सुन निरन्तर बढ्दै ऐतिहासिक उचाइमा पुगेको थियो, तर आज बजारमा सोही मूल्यमा सुधार आएको छ।

उता, चाँदीको मूल्यले भने निरन्तर वृद्धि गर्दै नयाँ रेकर्ड तोकेको छ। शुक्रबार चाँदी प्रतितोला ३ हजार ८५ रुपैयाँ मा कारोबार भइरहेको छ, जुन बिहीबारको ३ हजार २५ रुपैयाँ भन्दा ६० रुपैयाँ बढी हो। यससँगै चाँदीले नेपाली बजारमा हालसम्मकै उच्च मूल्य बनाएको छ।