महालक्ष्मी विकास बैंकले ग्राहकलाई स्थायी लेखा नम्बर (PAN) अद्यावधिक गर्न आग्रह

काठमाडौं, असोज २८ — महालक्ष्मी विकास बैंक लिमिटेडले आफ्ना सम्पूर्ण ग्राहकहरूलाई खातामा स्थायी लेखा नम्बर (PAN) अद्यावधिक गर्न आग्रह गरेको छ। बैंकले नेपाल राष्ट्र बैंकबाट जारी एकीकृत निर्देशन २०७६/८१ अनुसार PAN विवरण अद्यावधिक गर्नु अनिवार्य भएको जनाएको छ।

बैंकका अनुसार प्राकृतिक व्यक्तिले रु. ५० लाखभन्दा बढीको म्यादित निक्षेप गर्न वा त्यसबाट प्राप्त हुने ब्याजमा कर तिर्न PAN नम्बर अनिवार्य हुन आवश्यक छ। बैंकले जानकारी दिएको छ कि PAN नम्बर अभावमा ब्याज भुक्तानीमा कटाइने कर विवरण E-TDS प्रणालीमा समावेश गर्न नसकिने भएकाले कर समायोजनमा समस्या हुन सक्छ।

PAN अद्यावधिक गरेपछि ग्राहकको E-TDS कर विवरण सोही नम्बरमा स्वचालित रूपमा मिलान हुने र कर चुक्ता प्रमाणपत्र लिन सहज हुने बैंकले जनाएको छ।

ग्राहकहरूले PAN विवरण अद्यावधिक गर्नका लागि नजिकको बैंक शाखामा सम्पर्क गर्न सक्नेछन्, वा बैंकको वेबसाइट www.mahalaxmibank.com वा मोबाइल बैंकिङ एप “Mahalaxmi Smart Sathi” मार्फत Online KYC Form भरी पनि विवरण अद्यावधिक गर्न सकिनेछ।

बैंकले अगाडि भनिएको PAN विवरण पहिले नै उपलब्ध गराए पनि कर कट्टी विवरण समावेश नभएको खण्डमा नजिकको शाखामा सम्पर्क गर्न आग्रह गरेको छ।

कुनै पनि जिज्ञासा वा सहयोगका लागि ग्राहकले बैंकको केन्द्रीय कार्यालय दरबारमार्गमा सम्पर्क गर्न वा टोल-फ्री नम्बर १६६००११५०१५ मा फोन गर्न सक्नेछन्।