(NMBMF) एनएमबि लघुवित्तको तेस्रो त्रैमासमा २ करोड ७५ लाख नाफा, कमजोर अवस्थाबाट उल्लेखनीय सुधार

काठमाडौं, वैशाख २८ – एनएमबि लघुवित्त वित्तीय संस्था लिमिटेडले आर्थिक वर्ष २०८१/८२ को तेस्रो त्रैमासमा उल्लेखनीय वित्तीय सुधार गर्दै २ करोड ७५ लाख २५ हजार रुपैयाँ नाफा आर्जन गर्न सफल भएको छ। अघिल्लो वर्ष सोही अवधिमा ७ करोड ४९ लाख रुपैयाँ घाटा व्यहोरेको संस्थाले यस वर्ष ठूलो सुधार देखाएको हो।

नाफामा आएको वृद्धिको मुख्य कारण नेट इन्टरस्ट इनकम (कुल ब्याज आम्दानी) मा ५८.८८% वृद्धि हुनु हो, जुन १ अर्ब ७५ लाख बाट बढेर २ अर्ब ७८ लाख रुपैयाँ पुगेको छ। साथै, इम्पेयरमेन्ट चार्ज (कर्जा जोखिम व्यवस्थापन खर्च) ९०.६२% ले घटेर केवल २१ लाख रुपैयाँ मात्र रहेको छ, जसले संस्थाको मुनाफामा ठुलो भूमिका खेलेको देखिन्छ।

यसबीचमा कर्मचारी खर्च १२.१७% ले बढेर १ अर्ब ९८ लाख रुपैयाँ पुगेको छ, तर पनि संस्थाको सञ्चालन नाफा २ करोड ७४ लाख रुपैयाँमा उक्लिएको छ। अघिल्लो वर्ष सो अवधिमा संस्थाले ७ करोड ५० लाख रुपैयाँको सञ्चालन घाटा व्यहोरेको थियो।

कर्जा प्रवाहमा १७.९५% को वृद्धि देखिएको छ भने हाल संस्थाको कुल कर्जा रकम ६ अर्ब २६ करोड रुपैयाँ पुगेको छ। यस्तै ग्राहक निक्षेप ९.३१% ले बढेर १ अर्ब ४५ करोड पुगेको छ। ऋण लिएको रकम पनि १६.६८% ले वृद्धि भई ३ अर्ब ९५ करोड पुगेको छ।

संस्थाको जम्मा पुँजीमा १.२५% को गिरावट आएको देखिए पनि जगेडा कोष ४.१३% ले वृद्धि भएको छ। रिटेन्ड अर्निङ (सञ्चित घाटा) अघिल्लो त्रैमासको -५ करोड ५ लाख रुपैयाँबाट घटेर -४ करोड ४४ लाख मा सिमित भएको छ, जसले घाटा क्रमशः घट्दै गएको देखाउँछ।

वित्तीय सूचकांकहरूमा पनि सकारात्मक सुधार देखिन्छ। एनपीएल (नपाएका कर्जा) अनुपात ८.२९% बाट घटेर ५.५९% मा झरेको छ, जुन ३२.५७% को सुधार हो। कोषको लागत (Cost of Fund) ९.७५% बाट घटेर ७.४५% मा झरेको छ। यद्यपि, पूँजी पर्याप्तता अनुपात (Capital Adequacy Ratio) १५.८४% बाट घटेर १३.९६% मा आएको छ, तर अझै पनि नियामक सीमा भित्रै छ।

यस त्रैमासमा प्रति सेयर आम्दानी (EPS) Rs. 5.15 पुगेको छ, अघिल्लो वर्षको Rs. -13.85 को घाटाबाट उल्लेखनीय सुधार हो। प्रति सेयर नेट वर्थ Rs. 132.19 पुगेको छ भने, त्रैमास अन्त्यको बजार मूल्य Rs. 740.50 रहेको छ। PE अनुपात 143.75 पटक पुगेको छ, जुन लगानीकर्ताको उच्च मूल्यांकन वा बजारको अत्यधिक आशावाद दुवै संकेत गर्न सक्छ।