आशा लघुवित्तले पुस ४ गते ९औँ वार्षिक साधारणसभा आह्वान, १०% लाभांश अनुमोदन गरिने

आशा लघुवित्त वित्तीय संस्था लिमिटेड (ALBSL) ले आगामी पुस ४ गते, २०८२ मा ९औँ वार्षिक साधारणसभा (AGM) गर्ने निर्णय गरेको छ। साधारणसभा काभ्रेपलाञ्चोक, धुलिखेलस्थित होटल अरनिकोमा दिउँसो २ बजेबाट सुरु हुने जनाएको छ।

साधारणसभामा आर्थिक वर्ष २०८१/८२ का लागि प्रस्तावित १०% लाभांश पारित गर्ने एजेन्डा मुख्य केन्द्रमा रहनेछ। कात्तिक २८ गते बसेको सञ्चालक समितिको १७८औँ बैठकले रु. ७३.३० करोड चुक्ता पुँजीबाट १०% दरका लाभांश वितरण गर्ने प्रस्ताव गरेको थियो। प्रस्तावित लाभांशमा ९.५% बोनस सेयर (करिब रु. ६.९६ करोड बराबर) र ०.५% नगद लाभांश (कर सहित) करिब रु. ३६.६५ लाख बराबर रहेका छन्।

यससँगै, उक्त साधारणसभाले लेखापरीक्षकको प्रतिवेदन, नाफा–नोक्सान विवरण, वित्तीय प्रतिवेदन तथा नगद प्रवाह विवरण पारित गर्नेछ। साथै आर्थिक वर्ष २०८२/८३ का लागि नयाँ लेखापरीक्षक नियुक्त गर्ने प्रस्ताव पनि सभामा पेश गरिनेछ।

लघुवित्तले सम्भावित विलय वा अधिग्रहणका लागि उपयुक्त माइक्रोफाइनान्स कम्पनी पहिचान गर्ने सम्बन्धी प्रस्ताव पनि AGM मा प्रस्तुत गर्न लागेको छ।

साधारणसभाका लागि बुक क्लोजर मिति मंसिर २२ तोकिएको छ। त्यसैले उक्त मितिभन्दा अघि नामसूचीमा रहेका शेयरधनीहरू लाभांश प्राप्त गर्न र AGM मा सहभागी हुन योग्य हुनेछन्।

आशा लघुवित्तको आगामी AGM ले लाभांश पारितदेखि भविष्यका रणनीतिक दिशा निर्धारणसम्मका महत्वपूर्ण प्रस्तावहरू अनुमोदन गर्ने अपेक्षा गरिएको छ।