चिरख्वा हाइड्रोपावरको सातौँ वार्षिक साधारण सभा पौष २३ गते हुँदै, १:१ अनुपातमा हकप्रद शेयर जारी गर्ने प्रस्ताव
Author
NEPSE TRADING
चिरख्वा हाइड्रोपावर लिमिटेडले आफ्नो सातौँ वार्षिक साधारण सभा (AGM) आगामी २०८२ साल पौष २३ गते, बुधवार (जनवरी ७, २०२६) मा आयोजना गर्ने भएको छ। कम्पनीको २०८२/०८/२३ गते बसेको सञ्चालक समितिको बैठकको निर्णयअनुसार सभा कुण्डलिनी रोयल्स, जोरपाटी, काठमाडौं मा बिहान १०:०० बजे सुरु हुनेछ।
कम्पनीले सार्वजनिक सूचना जारी गर्दै शेयरधनीहरूलाई कम्पनी ऐन, २०६३ को दफा ६७(२) बमोजिम सभामा सहभागी हुन अनुरोध गरेको छ। सभामा आर्थिक विवरण, लेखापरीक्षण प्रतिवेदन, सञ्चालक समितिका निर्णय अनुमोदनदेखि हकप्रद शेयर जारी गर्ने प्रस्तावसम्मका महत्वपूर्ण एजेन्डाहरू पेश गरिनेछन्।
सभामा पेश गरिने सामान्य प्रस्तावहरू
आर्थिक वर्ष २०८१/८२ को सञ्चालक समितिको वार्षिक प्रतिवेदन प्रस्तुत
सोही वर्षको वासलात, नाफा–नोक्सान तथा नगद प्रवाह विवरणमा छलफल
आर्थिक वर्ष २०८२/८३ का लागि लेखापरीक्षक नियुक्ति तथा पारिश्रमिक निर्धारण
सञ्चालक समितिले गत वर्ष गरेका निर्णयहरूको अनुमोदन
विशेष प्रस्तावहरू: १:१ अनुपातमा हकप्रद शेयर
कम्पनीले चुक्ता पूँजी ४० करोड रुपैयाँ कायम राख्दै १:१ अनुपातमा हकप्रद शेयर जारी गर्ने विशेष प्रस्ताव AGM मा प्रस्तुत गर्नेछ।
यससँगै—
कम्पनीको पूँजी संरचना संशोधन
प्रवन्धपत्र तथा नियमावली संशोधन
हकप्रद शेयर निष्कासनका लागि संचालक समितिलाई पूर्ण अख्तियार
ऋण भुक्तानी तथा सम्भावित आयोजनामा लगानी गर्ने प्रस्ताव पनि सभामा पेश गरिने कम्पनीले जनाएको छ।
Book Close मिति: २०८२/०९/१३
सभामा सहभागी हुन २०८२ मंसिर १३ गते कम्पनीले Book Close गर्नेछ।
मंसिर १२ गतेसम्म नेप्सेमा कारोबार भएका तथा शेयर रजिष्ट्रार आरबीबी मर्चेन्ट बैंकिङ, टेकुमा नामसारी दर्ता भएका शेयरधनी मात्र AGM मा सहभागी हुन योग्य हुनेछन्।
शेयरधनीहरूको लागि व्यवस्था
शेयरधनी लगतमा उल्लेखित ठेगानामा आर्थिक विवरण तथा AGM सूचना पठाइने
आवश्यक परे कम्पनी कार्यालयमा आर्थिक विवरण अवलोकन गर्न सकिने
AGM मा उपस्थित हुन DEMAT प्रमाण, नागरिकता वा परिचयपत्र अनिवार्य
प्रतिनिधि (प्रोक्सी) नियुक्त गरी सभा सहभागी हुन सकिने, तर प्रतिनिधिपत्र ४८ घण्टा अगावै दर्ता गर्नुपर्ने
संयुक्त शेयरको अवस्थामा लगतमा पहिलो नाम भएका व्यक्ति वा सर्वसम्मत प्रतिनिधि मात्र सहभागी
नाबालक तथा संरक्षकका हकमा दर्ता अभिभावक AGM मा सहभागी हुन सक्ने
कम्पनीले विविध शीर्षकअन्तर्गत छलफल गर्न चाहिने कुनै विषय छ भने शेयरधनीले सभा हुनुभन्दा ७ दिन अगावै सञ्चालक समितिको अध्यक्षलाई लिखित रूपमा प्रस्ताव पठाउन सकिने जानकारी पनि दिएको छ।
अधिक जानकारी
अधिक विवरणका लागि कम्पनीको वेबसाइट www.chirkhwahydropower.com, इमेल [email protected], तथा फोन ०१-४५२४३८१ मा सम्पर्क गर्न सकिनेछ।
