वित्तीय सफलता : आशाको EPS र नाफा दुवैमा वृद्धि
Author
NEPSE TRADING
आशा लघुवित्त वित्तीय संस्था लिमिटेडले आर्थिक वर्ष २०७९/८० को चौथो त्रैमासको अन्त्यसम्म आइपुग्दा उल्लेखनीय प्रगति हासिल गरेको छ। संस्थाले असार मसान्तसम्म २० करोड ९२ लाख रुपैयाँ खुद नाफा कमाएको छ, जुन अघिल्लो वर्षको तुलनामा झन्डै साढे तीन गुणाले वृद्धि हो। अघिल्लो वर्ष यस अवधिसम्म कम्पनीको नाफा ६ करोड ८९ लाख रुपैयाँमा सीमित थियो।
ब्याज आम्दानीमा ६७.४७ प्रतिशतको वृद्धि र सञ्चालन मुनाफामा २५५.३६ प्रतिशतको उछालले कुल नाफा बढाएको हो। यस्तै, कुल सञ्चालन आम्दानी ५० प्रतिशतले बढेर ८९ करोड २० लाख रुपैयाँ पुगेको छ। खुद फि तथा कमिशन आम्दानी पनि करिब १० प्रतिशतले उकालो लागेको छ।
कम्पनीको वितरणयोग्य मुनाफा १६ करोड ३६ लाख रुपैयाँ रहेको छ भने वितरणयोग्य EPS २२ रुपैयाँ ३२ पैसा छ। यो अवधिमा कम्पनीको EPS २८ रुपैयाँ ५५ पैसामा पुगेर अघिल्लो वर्षको तुलनामा १९ रुपैयाँभन्दा धेरैले वृद्धि भएको हो।
आशाले हाल ७३ करोड ३० लाख रुपैयाँ बराबरको चुक्ता पूँजी कायम गरेको छ भने जगेडा कोष ५३ करोड ४३ लाख रुपैयाँ पुगेको छ। कम्पनीले ९ अर्ब ६६ करोड निक्षेप संकलन गरी १० अर्ब ४४ करोड रुपैयाँ कर्जा प्रवाह गरेको छ।
लगानीकर्ताका लागि कम्पनीको वित्तीय अवस्था सुदृढ देखिन थालेको छ, जसले भविष्यमा आकर्षक प्रतिफलको आशा गर्न सकिन्छ।
