वैदेशिक रोजगार बोर्डले १ अर्ब ५३ करोड मुद्दती निक्षेपमा लगानी गर्ने

वैदेशिक रोजगार बोर्डले धरौटी खातामा रहेको १ अर्ब ५३ करोड ७५ लाख रुपैयाँ मुद्दती निक्षेपमा लगानी गर्ने भएको छ।

श्रम, रोजगार तथा सामाजिक सुरक्षा मन्त्रालयअन्तर्गतको बोर्डले उक्त रकमलाई एक वर्षका लागि मुद्दतीमा राख्ने तयारी गरेको हो।

यसका लागि न्यूनतम ब्याजदर ३ प्रतिशतभन्दा माथि हुनुपर्ने शर्त राखिएको छ।

उक्त रकम लिन इच्छुक ‘क’ वर्गका वाणिज्य बैंकहरूले आफूले लिन चाहेको रकम र प्रस्तावित ब्याजदरका विवरणसहित भदौ २२ गते दिउँसो ३ बजेसम्म बोर्डको आर्थिक प्रशासन शाखामा दरभाउपत्र बुझाउनुपर्नेछ।

आवेदन फाराम भने बोर्डको वेबसाइट मार्फत डाउनलोड गर्न सकिने व्यवस्था गरिएको छ।