समाज लघुवित्त र ग्रामीण विकास लघुवित्तको मर्ज प्रक्रिया अघि बढ्यो

समाज लघुवित्त वित्तीय संस्था लिमिटेडले नेपाल स्टक एक्सचेञ्ज लिमिटेडलाई पत्र पठाउँदै आफ्नो संस्था र ग्रामीण विकास लघुवित्त वित्तीय संस्था लिमिटेडबीच एक आपसमा गाभ्ने (मर्ज) प्रक्रियाको लागि नेपाल राष्ट्र बैंकबाट सैद्धान्तिक सहमति प्राप्त भएको जानकारी गराएको छ।

नेपाल राष्ट्र बैंकले २०८२/०२/२२ मा पठाएको पत्रको आधारमा दुवै संस्थाले मर्ज प्रक्रिया अगाडि बढाउने तयारी गरेका हुन्। अबको प्रक्रियामा यथासम्भव दुवै संस्थाको शेयर मूल्यांकन, समायोजन योजना, नयाँ नाम र सञ्जाल निर्धारणको काम अघि बढ्नेछ।

यस सूचनालाई नेपाल स्टक एक्सचेञ्जका साथै नेपाल राष्ट्र बैंक, सिडिएस एण्ड क्लियरिङ लिमिटेड, ग्लोबल आइएमई क्यापिटल, कम्पनी रजिष्ट्रार कार्यालय लगायतका सरोकारवाला निकायलाई जानकारी गराइएको छ।