नबिल म्युचुअल फण्डका NBF2 र NBF3 बाट १३% नगद प्रतिफल घोषणा

नबिल म्युचुअल फण्ड अन्तर्गत सञ्चालित नबिल ब्यालेन्स्ड फण्ड २ (NBF2) र नबिल ब्यालेन्स्ड फण्ड ३ (NBF3) ले आर्थिक वर्ष २०८१/८२ का लागि प्रतिफल घोषणा गरेका छन्। दुबै फण्डले १३–१३ प्रतिशत नगद लाभांश वितरण गर्ने निर्णय गरेका हुन्। भदौ १२ गते बसेको नबिल इन्भेष्टमेन्ट बैंकिङ्गको सञ्चालक समितिको बैठकले सो निर्णय गरेको हो। साथै प्रतिफल वितरण प्रयोजनार्थ भदौ २२ गते बुकक्लोज गर्ने निर्णय भएको छ। यस अनुसार, भदौ १९ गतेसम्म नेप्सेमा कारोबार भई कायम रहेका इकाईधनीहरुले मात्र प्रतिफल प्राप्त गर्नेछन्।