नेप्सेमा आठौं दिनपनि हरियाली, लगानीकर्ताको मनोबल अझै उच्च, सूचक ३००० नजिक

साउन महिनासँगै नेपाल शेयर बजार (नेप्से) हरियालीको लयमा अगाडि बढिरहेको छ । लगातार आठौं कारोबार दिन समेत नेप्से परिसूचकमा सकारात्मक वृद्धि देखिएको छ । बिहीबार नेप्से परिसूचक ३.७६ अंकले बढ्दै २,९८२.६४ विन्दुमा बन्द भयो । यद्यपि, अघिल्लो दिनको तुलनामा कारोबार रकम भने सामान्य रुपमा घट्दै १८ अर्ब ४९ करोड ४ लाख रुपैयाँमा झरेको छ, जुन बुधबार १९ अर्ब ५७ करोड रुपैयाँ थियो।

उपसमूह विश्लेषण अनुसार १३ उपसमूहमध्ये ६ उपसमूहको सूचकमा वृद्धि देखिएको छ भने ७ उपसमूहको सूचकमा सामान्य गिरावट आएको छ । जलविद्युत उपसमूहमा २% भन्दा बढी वृद्धि देखिँदा विकास बैंक उपसमूह १% माथि उकालो लागेको छ। त्यसको विपरित बैंकिङ, वित्त, जीवन बीमा, लघुवित्त, उत्पादन तथा प्रशोधन, निर्जीवन बीमा र अन्य उपसमूहमा घटावट आएको छ।

कारोबार पक्ष हेर्दा ग्रीन भेन्चर्स, ट्रेड टावर, सान्भि इनर्जी र श्वेतगंगा हाइड्रोपावरका शेयरहरू सकारात्मक सर्किट लेभलमा पुगेका छन् भने हिमालयन हाइड्रोपावर ८.५% र माया खोला हाइड्रोपावर ७.५% ले बढेका छन्। विपरीत, मञ्जुश्री फाइनान्स डिबेञ्चर २०८५ मा ४.२२% ले गिरावट आएको छ। कारोबार रकममा राधी विद्युत कम्पनी अगाडि रहँदै ७७ करोड रुपैयाँको कारोबार गरेको छ, त्यसपछि ङादी ग्रुप पावरले ७२ करोड र ग्रीन भेन्चर्सले ६६ करोड रुपैयाँ बराबरको कारोबार गरेका छन्।

प्राविधिक विश्लेषण:
चार्टअनुसार नेप्सेमा बलियो ब्रेकआउट देखिएको छ। उच्च कारोबार रकमले बजारको बुलेस ट्रेन्डलाई समर्थन गरेको छ। सूचक ३००० को मनोवैज्ञानिक स्तरमा पुगिसकेकोले आगामी दिनमा सामान्य करेक्सन सम्भावना रहे पनि मूल ट्रेन्ड अझै बुलेस नै देखिन्छ। प्रविधिक हिसाबले बजारले छोटो अवधिमा ३०५०–३१०० विन्दुसम्म पुग्ने सम्भावना देखिएको छ।

ब्रोकर विश्लेषण:
आजको कारोबार गतिविधिमा ठूला ब्रोकरमध्ये ६ ब्रोकरले तुलनात्मक रुपमा बढी सेल गरेका छन् भने ४ ब्रोकरले तुलनात्मक रुपमा बढी बाई गरेका छन्। यसले बजारमा आंशिक मुनाफा बुकिङ पनि भइरहेको संकेत दिन्छ।

नेप्से आठौं दिन पनि हरियालीमै रहेको छ। कारोबारको लय कायम छ र लगानीकर्ताको मनोबल उच्च छ। प्रविधिक र बजार विश्लेषण दुबैले अझै पनि बजारमा सकारात्मक उर्जा रहेको पुष्टि गर्छन्।