१० महिनामा १४ अर्ब १३ करोड रुपैयाँ बराबरको पुँजीगत लाभकर संकलन

शेयर बजारको कारोबारसँगै संकलित पुँजीगत लाभकर (Capital Gains Tax) सरकारले चालु आर्थिक वर्षको पहिलो १० महिनामा १४ अर्ब १३ करोड १६ लाख रुपैयाँभन्दा बढी उठाएको छ। नेपाल स्टक एक्सचेञ्ज (नेप्से) परिसूचकमा देखिएको उतारचढावसँगै बजार सक्रिय रहँदा लगानीकर्ताबाट संकलित करको परिमाण पनि उच्च देखिएको हो।

बैशाखमा मात्रै १ अर्ब २२ करोड लाभकर

CDS एंड क्लियरिङ लिमिटेडका अनुसार बैशाख महिनामा मात्रै १ अर्ब २२ करोड ९२ लाख ५१ हजार रुपैयाँ बराबरको पुँजीगत लाभकर संकलन गरिएको छ। नेप्सेमा गत महिना हरियाली सत्र बढेपछि कारोबार बढेको र त्यसबाट लगानीकर्ताले नाफा कमाएका कारण कर संकलन पनि उल्लेख्य भएको हो।

व्यक्तिगत लगानीकर्ताबाट दीर्घकालीन कारोबारतर्फ ३३ करोड ७१ लाख ३५ हजार रुपैयाँ र अल्पकालीन कारोबारतर्फ ६३ करोड ५० लाख ५० हजार रुपैयाँ कर संकलन भएको छ। यस्तै, संस्थागत लगानीकर्ताबाट २५ करोड २३ लाख ३३ हजार र स्टक डिलरहरूको कारोबारबाट ४६ लाख ९५ हजार रुपैयाँ कर संकलन भएको छ।

महिनावार पुँजीगत लाभकर विवरण

सरकारले चालु आर्थिक वर्षको साउनदेखि बैशाखसम्म (१० महिनामा) विभिन्न महिनामा निम्नानुसार पुँजीगत लाभकर उठाएको छ:

• साउन – रु. ४ अर्ब २७ करोड ५३ लाख

• भदौ – रु. २ अर्ब ५७ करोड ९४ लाख ८० हजार

• असोज – रु. ५८ करोड ६५ लाख ४० हजार

• कात्तिक – रु. ७५ करोड ८७ लाख ८१ हजार

• मंसिर – रु. १ अर्ब ४ करोड ६ लाख

• पुस – रु. ५८ करोड ७ लाख ८५ हजार

• माघ – रु. १ अर्ब ५ करोड ७० लाख ८८ हजार

• फागुन – रु. १ अर्ब ३३ करोड २ लाख

• चैत – रु. ६९ करोड ३५ लाख ८० हजार

• बैशाख – रु. १ अर्ब २२ करोड ९२ लाख ५१ हजार

शेयर बजारमा कारोबार बढेसँगै कर संकलनमा पनि उल्लेख्य वृद्धि भएको देखिन्छ। आगामी महिनाहरूमा पनि बजारले गति लिँदा पुँजीगत लाभकर संकलन अझै बढ्ने अपेक्षा गर्न सकिन्छ।