रिभर फल्स पावर लिमिटेडको हकप्रद शेयर बिक्री आज बन्द हुँदै

रिभर फल्स पावर लिमिटेडले आफ्ना शेयरधनीहरूका लागि जारी गरेको हकप्रद शेयर (Right Share) निष्कासन तथा बिक्री आज असोज २६ गते (२०८२/०६/२६) बाट बन्द हुँदैछ।

कम्पनीले २०८२ साउन २२ गतेसम्म कायम शेयरधनीहरूका लागि १:१ को अनुपातमा हकप्रद शेयर निष्कासन गरेको थियो। यसअनुसार, कम्पनीले विद्यमान चुक्ता पूँजीका आधारमा प्रति शेयर रु. १०० अंकित दरका ७०,००,००० (सत्तरी लाख) कित्ता साधारण हकप्रद शेयर बिक्रीका लागि खुला गरेको हो।

हकप्रद शेयरको बिक्री २०८२ भदौ २३ गते (सेप्टेम्बर ८, २०२५) देखि सुरु गरिएको थियो। कम्पनीले शेयर खरिदका लागि आवेदन बुझाउने अन्तिम म्याद आज आइतबार (असोज २६ गते) बैंकिङ समयसम्म तोकेको छ।

कम्पनीले आफ्ना शेयरधनीहरूलाई तोकिएको समयभित्र आवेदन बुझाई आफ्नो हक कायम गर्न अनुरोध गरेको छ।