सुनचाँदीको मूल्य वृद्धि : सुन १ लाख ९६ हजार ३०० पुग्यो, चाँदी २ हजार ३१५

भदौ २ गते, सोमबार नेपाली बजारमा सुन र चाँदीको मूल्य बढेको छ। नेपाल सुनचाँदी व्यवसायी महासंघका अनुसार, यस दिन छापावाल सुन प्रतितोला ८०० रुपैयाँले बढेर एक लाख ९६ हजार ३०० रुपैयाँमा कारोबार भइरहेको छ। अघिल्लो दिन अर्थात् आइतबार सुन प्रतितोला एक लाख ९५ हजार ५०० रुपैयाँमा कारोबार भएको थियो। त्यसैगरी, चाँदीको मूल्य पनि तोलामा ५ रुपैयाँले बढेको छ। सोमबारको बजारमा चाँदी प्रतितोला २ हजार ३१५ रुपैयाँमा कारोबार भइरहेको छ भने आइतबारको मूल्य २ हजार ३१० रुपैयाँ थियो। यसरी, लगातार उतारचढावबीच सोमबार सुन र चाँदी दुवैको मूल्यमा वृद्धि देखिएको छ।