मन्दाकिनी हाइड्रोपावरको खुद नाफा २२.९४% ले बढ्यो

मन्दाकिनी हाइड्रोपावर लिमिटेड (MHL) ले आर्थिक वर्ष २०८१/८२ को चौथो त्रैमाससम्मको अपरिष्कृत वित्तीय विवरण सार्वजनिक गरेको छ। सार्वजनिक विवरणअनुसार कम्पनीले अघिल्लो वर्षको तुलनामा खुद नाफा २२.९४ प्रतिशतले बढाउँदै ३ करोड ९८ लाख रुपैयाँ नाफा कमाउन सफल भएको छ। अघिल्लो वर्ष यो नाफा ३ करोड २४ लाख रुपैयाँमा सीमित थियो।

कम्पनीको विद्युत बिक्री आम्दानीमा १.५१ प्रतिशत र सञ्चालन मुनाफामा ४.४१ प्रतिशतले सुधार देखिएको छ। वित्तीय आम्दानी २५.२५ प्रतिशतले बढ्दा वित्तीय खर्चमा उल्लेखनीय १८.६५ प्रतिशतको कमी आएको छ, जसले नाफा वृद्धिमा सकारात्मक प्रभाव पारेको देखिन्छ।

नाफासँगै कम्पनीको प्रतिशेयर आम्दानी (EPS) पनि सामान्य वृद्धि भई ९० पैसा बढेर ६ रुपैयाँ १७ पैसा पुगेको छ। कम्पनीको प्रतिशेयर नेटवर्थ भने असार मसान्तसम्ममा १०७ रुपैयाँ १३ पैसा रहेको छ।

सार्वजनिक विवरण अनुसार, कम्पनीको मूल्य आम्दानी अनुपात (PE Ratio) ९७.६३ गुणा पुगेको छ। ६४ करोड ६७ लाख रुपैयाँ चुक्ता पूँजी रहेको कम्पनीको अन्य इक्विटी ४ करोड ६१ लाख रुपैयाँ रहेको उल्लेख गरिएको छ।

कुल रूपमा हेर्दा, विद्युत उत्पादन र आर्थिक व्यवस्थापनमा देखिएको सुधारले मन्दाकिनी हाइड्रोपावरको वित्तीय प्रदर्शन सकारात्मक बनेको छ।