पियोर इनर्जीको साधारण सेयर नेप्सेमा सूचीकृत, भोलिदेखि कारोबार सुरु हुने

पियोर इनर्जी डेभलपमेन्ट कम्पनी लिमिटेडको साधारण सेयर (IPO) नेपाल स्टक एक्सचेन्ज (नेप्से) मा सूचीकृत भएको छ। कम्पनीका ८० लाख कित्ता साधारण सेयर बजारमा सूचीकृत भएका हुन्।

सूचीकृत सेयरमध्ये २० प्रतिशत सर्वसाधारण समूह र ८० प्रतिशत संस्थापक समूह अन्तर्गत पर्छन्। नेप्सेले पियोर इनर्जीलाई "PURE" सिम्बोल प्रदान गरेको छ।

कम्पनीको सेयर कारोबार भोलि मंगलबार (जेठ १४ गते) बाट सुरु हुने नेप्सेले जानकारी दिएको छ। हाइड्रोपावर समूहमा पर्ने यो कम्पनीको पहिलो कारोबार मूल्य न्यूनतम ९६ रुपैयाँ ४५ पैसा देखि अधिकतम २८९ रुपैयाँ ३५ पैसा सम्म तोकिएको छ।

कारोबार सुरु भएपछि, सेयर मूल्य हरेक कारोबारमा २ प्रतिशत र दैनिक अधिकतम १० प्रतिशतसम्म मात्रै घटबढ हुन सक्नेछ।

लगानीकर्ताहरूले अब पियोर इनर्जीको सेयर खरिद–बिक्री नेप्से मार्फत् गर्न सक्नेछन्।