सुन प्रतितोला २ लाख ३ हजार ६ सय पुग्दै नयाँ रेकर्ड, चाँदी पनि महँगियो

शुक्रबार प्रतितोला २ लाख नाघेको सुन आइतबार थप महँगिँदै नयाँ रेकर्ड कायम गरेको छ। आज एकै दिनमा सुनको मूल्य प्रतितोला ३ हजार रुपैयाँले बढेर २ लाख ३ हजार ६ सय रुपैयाँ पुगेको नेपाल सुनचाँदी व्यवसायी महासंघले जनाएको छ। यो हालसम्मकै उच्च मूल्य हो। अघिल्लो कारोबार दिन सुनको मूल्य २ लाख ६ सय रुपैयाँमा थियो।

सुनसँगै चाँदीमा पनि उछाल देखिएको छ। आज मात्र चाँदीको मूल्य प्रतितोला ६५ रुपैयाँ बढेर २ हजार ४२५ रुपैयाँ पुगेको छ। अघिल्लो दिन चाँदी २ हजार ३६० रुपैयाँमा कारोबार भएको थियो।

महासंघका अनुसार सुन–चाँदी दुवैको मूल्य हालसम्मकै उच्च स्तरमा पुगेको हो।